अनुवाद : डॉ. नीरज दइया
कवि श्री राज हीरामन रो जलम 11 जनवरी, 1953 नै मॉरीशस री धरती
हुयो। साहित्य, संपादन अर पत्रकारिता सूं लांठो जुड़ाव।
महात्मा
गांधी संस्थान रै सृजनात्मक एवं लेखन विभाग में 'रिमझिम' अर 'वसंत' पत्रिका रा वरिष्ठ उप-संपादक श्री राज हीरामन गद्य-पद्य री घणी विधावां में सिरजरण करै। आपरी बीस सूं बेसी पोथ्यां छपी। चर्चित
पोथ्यां- धरती तले आकाश, अंधेरे का उजाला, स्वघोषित आचार्य, मोहनदास की नजरों में मॉरीशस
भी था, पराए जो थे अपने हो गए, घाव करे गंभीर अर मॉरीशस की कविता आद।
ई-मेल : rajheeramun@gmail.com
आ
कैड़ी आजादी ?
======================
थांरी आ दलील
कै घणी आजादी
चोखी कोनी
आ बात तो म्हैं समझी
पण थारी आ कैड़ी आजादी ?
म्हैं खुद नै थारो गुलाम जाणूं !
0000
छींया
ई खुभण लागी
=================-
रूंखां हेठली छींया ई
अबै खुभण लागी-
सूइयां जिंया,
इणी खातर काल सूं
चिलकतै तावड़ै मांय
आय’र ऊभग्यो।
मोटा रूंखां री रीत
बेजा माडी हुया करै
जठै तांई बां री छींया पूगै
बठै तांई कीं जमै ई कोनी !
0000
दीठ
री कमी
============
धृतराष्ट्र
! गांधारी !! दुर्योधन !!!
थे तीनूं पण आंधा हा
एक
तो जलम
सूं आंधलो !
दूजी री थी तो आंख्यां
पण साच दीस नीं जावै
बांधी ली आंख्यां आडी पाटी !!
अर तीजो आंख्यां थकां ई आंधो !!
द्रौपदी
तो कीं
बतायो हो
पण दुर्योधन चिडग्यो
बात तो फगत दीठ री ही
जिका थां सगळा अठै कोनी ही
अर उणा खातर
मंडग्यो महाभारत !
0000
बै सैण
हा, दुसमी नीं
==================
थनै क्रॉस
माथै
टांगणिया
थारा सैण हा, दुसमी नी !
राम !
थन्नै बनवास भेजणिया
थारा सैण हा, दुसमी नीं !
सुणो पांडव !
थानै राज सूं काढणियां
थारा सैण हा, दुसमी नीं !
पृथ्वीराज
!
थनै दुसमी रै हाथ सूंपणियां
थारा सैण जयचंद ही हा
कोई दुसमी कोनी हा !!
बापू
!
थारै माथै गोळी चलावणिया
थारै देसवाळा ही हा
बै कोई दुसमी कोनी हा।
महान
आत्मावां !
अबै थांसूं करूं म्हैं सवाल
बोलो- म्हैं किण सूं डरूं ?
म्हारै घराळा सूं का किणी पारका सूं !
0000
कोई टिप्पणी नहीं:
एक टिप्पणी भेजें