अणजाण
म्हैं नीं आयो किणी परदेस सूं
इण शहर मांय
फेर ई हूं अणजाण ।
यार-भायला है, गिनायती है
पण बां सूं मेळ-मुलाकात
कोनीं हुवै अठै,
मिलीजै बां सूं कठैई दूजी ठौड़
किणी बीजै शहर मांय ।
म्हैं अर बै का बै अर म्हैं
बठै उण शहर मांय जाणां एक-दूजै नै
अर अठै इण शहर मांय रैवां अणजाण !
खुद रो - खुद रो कोनी
म्हारो - म्हारो कोनी ।
टांग्यां ? है
न्यारी न्यारी लैणां मांय ऊभण खातर
भुजावां ? है
बसां अर ट्रेनां मांय पूगण खातर
अर बां मांय लटकण खातर ।
आंख्या ? है
महीनै मांय एकर
किणी बीजै री अमानत दांईं तनखा
देखण तांईं ।
उणियारो ई’ज है
रंगीज्या न्यारा-न्यारा रंगां
होकड़ा पैरण खातर ।
अर छेकड़लो ओ डील ?
उमर री गांठगंठीली डोरी माथै
डील रो अधफाट्यो गाभो
किणी भूल्योड़यै बागै दांई
टांग्योड़ो रैयग्यो है ।
बिरखा मांय भीगतो
अर तावड़ै मांय सूखतो ।
आं सगळा मांय छींटी-छींटी हुयो
बांट्योड़ो बरयत्योड़ो अणजाण हूं म्हैं
हूं सूं बेसी नीं हूं ।
***
छेकड़ली बस
बगत म्हनै
उडीक री लैण मांय
करग्यो ऊभो ।
आ कैयग्यो कै
म्हनै म्हारी बस
मिलैला अठै सूं ।
ऊभो-ऊभो थाकग्यो हूं म्हैं
या स्यात थाक्यां ऊभो हूं ।
बस आई पण चढ्यो कोनी
सही बस मांय
गळत लोग देख’र उतरग्यो
गळत बस मांय
सही आदमी देख’र ई चढ्यो कोनी ।
गयै बगत नै पछो कुण नावड़ै
अर जूझूं इण सवाल-
"हाल तांईं ऊभा हो अठै ?"
म्हैं देवूं बारंबार पड़ूत्तर-
"अजेस जिण मांय सही लोग हुवै सवार
बा सही बस आई कोनी ।"
बस स्टोप माथै
म्हैं रैयग्यो एकलो
बगत चेतावतो गयो
कै अबै जिकी बस आवैला
बां छेकड़ली बस हुवैला ।
कीं ताळ पैली सोचै हो म्हैं
ऐ सगळा लोग गळत बस मांय सवार सही लोग
का सही बस मांय सवार गळत लोग
कठै जा रैया हा ?
कठै गया ?
कठै पूगणो हो, कठै पूग्या ?
सोचूं इण छेकड़ली मांय
चढणै का नीं चढणै मांय
कांई फरक रैयग्यो ?
***
वोट
म्हारै पाखती एक वोट है
वोट जिको म्हारो
म्हारो एक हक
म्हारी आवाज
म्हारो हथियार
म्हारी ताकत
म्हारी मिलकियत
म्हारो एक वोट है ।
ओ वोट म्हारो है, इंयां
जाणै म्हारो नांव
जिण रो नफो
म्हैं नीं
कोई दूजो उठावै !
ओ वोट
म्हारो हक है, जिको
म्हासूं म्हारा दूजा हक खोसै !
ओ वोट म्हारी आवाज है, जिको
जिको कोई बीजो खुद री जुबान सूं कथै
ओ वोट
हथियार है म्हारो
जिको म्हां माथै वार करै ।
ओ वोट
म्हारी ताकत है, बा
जिकी म्हां माथै हुकूमत करै !
ओ वोट
म्हारी मिलकियत है, बा
जिकी म्हनै बीजां नै देणी है !
वोट देवणो
अकलमंदां री बेवकूफी
अर नीं देवणो
बेवकूफां री अकलमंदी ।
जाणूं मिनख एकै साथै एक बगत
अकलमंद अर बेवकूफ नीं हुवै
पण देखूं चुणाव मांय
एकै साथै एक ई बगत
अकलमंद अर बेवकूफ भेळा बणै ।
***
सिंधी कवि : कृष्ण राही (1932-2007)
कविता संगै "कमाच" माथै साहित्य अकादेमी पुरस्कार सूं सम्मानित कवि राही प्रगतिशील धारा रा लूंठा कवि हा । कहाणी-संग्रह "लुडक अं मुरक" अर कविता संग्रह "कुमाच " रै अलावा "वसण संदा वेश" अर "वर्क सभ विचार " प्रकाशित ।
**************************************************************************
म्हैं नीं आयो किणी परदेस सूं
इण शहर मांय
फेर ई हूं अणजाण ।
यार-भायला है, गिनायती है
पण बां सूं मेळ-मुलाकात
कोनीं हुवै अठै,
मिलीजै बां सूं कठैई दूजी ठौड़
किणी बीजै शहर मांय ।
म्हैं अर बै का बै अर म्हैं
बठै उण शहर मांय जाणां एक-दूजै नै
अर अठै इण शहर मांय रैवां अणजाण !
खुद रो - खुद रो कोनी
म्हारो - म्हारो कोनी ।
टांग्यां ? है
न्यारी न्यारी लैणां मांय ऊभण खातर
भुजावां ? है
बसां अर ट्रेनां मांय पूगण खातर
अर बां मांय लटकण खातर ।
आंख्या ? है
महीनै मांय एकर
किणी बीजै री अमानत दांईं तनखा
देखण तांईं ।
उणियारो ई’ज है
रंगीज्या न्यारा-न्यारा रंगां
होकड़ा पैरण खातर ।
अर छेकड़लो ओ डील ?
उमर री गांठगंठीली डोरी माथै
डील रो अधफाट्यो गाभो
किणी भूल्योड़यै बागै दांई
टांग्योड़ो रैयग्यो है ।
बिरखा मांय भीगतो
अर तावड़ै मांय सूखतो ।
आं सगळा मांय छींटी-छींटी हुयो
बांट्योड़ो बरयत्योड़ो अणजाण हूं म्हैं
हूं सूं बेसी नीं हूं ।
***
छेकड़ली बस
बगत म्हनै
उडीक री लैण मांय
करग्यो ऊभो ।
आ कैयग्यो कै
म्हनै म्हारी बस
मिलैला अठै सूं ।
ऊभो-ऊभो थाकग्यो हूं म्हैं
या स्यात थाक्यां ऊभो हूं ।
बस आई पण चढ्यो कोनी
सही बस मांय
गळत लोग देख’र उतरग्यो
गळत बस मांय
सही आदमी देख’र ई चढ्यो कोनी ।
गयै बगत नै पछो कुण नावड़ै
अर जूझूं इण सवाल-
"हाल तांईं ऊभा हो अठै ?"
म्हैं देवूं बारंबार पड़ूत्तर-
"अजेस जिण मांय सही लोग हुवै सवार
बा सही बस आई कोनी ।"
बस स्टोप माथै
म्हैं रैयग्यो एकलो
बगत चेतावतो गयो
कै अबै जिकी बस आवैला
बां छेकड़ली बस हुवैला ।
कीं ताळ पैली सोचै हो म्हैं
ऐ सगळा लोग गळत बस मांय सवार सही लोग
का सही बस मांय सवार गळत लोग
कठै जा रैया हा ?
कठै गया ?
कठै पूगणो हो, कठै पूग्या ?
सोचूं इण छेकड़ली मांय
चढणै का नीं चढणै मांय
कांई फरक रैयग्यो ?
***
वोट
म्हारै पाखती एक वोट है
वोट जिको म्हारो
म्हारो एक हक
म्हारी आवाज
म्हारो हथियार
म्हारी ताकत
म्हारी मिलकियत
म्हारो एक वोट है ।
ओ वोट म्हारो है, इंयां
जाणै म्हारो नांव
जिण रो नफो
म्हैं नीं
कोई दूजो उठावै !
ओ वोट
म्हारो हक है, जिको
म्हासूं म्हारा दूजा हक खोसै !
ओ वोट म्हारी आवाज है, जिको
जिको कोई बीजो खुद री जुबान सूं कथै
ओ वोट
हथियार है म्हारो
जिको म्हां माथै वार करै ।
ओ वोट
म्हारी ताकत है, बा
जिकी म्हां माथै हुकूमत करै !
ओ वोट
म्हारी मिलकियत है, बा
जिकी म्हनै बीजां नै देणी है !
वोट देवणो
अकलमंदां री बेवकूफी
अर नीं देवणो
बेवकूफां री अकलमंदी ।
जाणूं मिनख एकै साथै एक बगत
अकलमंद अर बेवकूफ नीं हुवै
पण देखूं चुणाव मांय
एकै साथै एक ई बगत
अकलमंद अर बेवकूफ भेळा बणै ।
***
अनुसिरजण : नीरज दइया
**************************************************************************
कविता संगै "कमाच" माथै साहित्य अकादेमी पुरस्कार सूं सम्मानित कवि राही प्रगतिशील धारा रा लूंठा कवि हा । कहाणी-संग्रह "लुडक अं मुरक" अर कविता संग्रह "कुमाच " रै अलावा "वसण संदा वेश" अर "वर्क सभ विचार " प्रकाशित ।
**************************************************************************
कोई टिप्पणी नहीं:
एक टिप्पणी भेजें